Kerti hun tery naam se aaghaZ aay Rabb_e_kaainat
k tujh se hai shuru tujh pe hi khatam meri her baat
To janab ye nacheeZ haZir hai apny interview k saath, lakin us se pehly aik baat kehna chahoon gi k meri kisi bhi baat pe aap log hr trha se coment kr skty hen q k mery ird gird k sb log meri aksar batoon pe sirf ye hi kehty hue paye jaty hen k "yaar kya cheeZ hai ye??"
lakin kya kron...?
wo kehty hen na k:
hai rawish meri Zra hat k Zamany se
jesy buland hoti hai aZaan may_khany se
to dosto shuru kerti hun.
1: apny ta'aruf k liye faqt itna hi kafi hai
hm chod dety hen wo rasta jo aam ho jaye
mera naam WAJEEHA ZEESHN or place of birth kya khoob kaha hai kisi ne
pida huye jb ye bashar ye Zameen_o_aasman
kr dia dharti k ik goshy me mujhy bhi pinhan
to janab dharti k us goshy ka naam hai GUJRANWALA jahan hum thy pinhan.........
2: KP ka suragh lagaya tha recipes ka peecha krty krty or Queen k khatab se hm mehroom
hen abhi, wo kya kehty hen k:
kr di hai tu ne kuch aisi baat aay hm nasheen
k jachta nahi makhmal me taat ka paiwand
3: na adab na lehaZ_o_murrawt baqi raha tujh me
kya sikhaya aay nasl_e_nou teri taleem ne tujhy
qisa ye hai huZoor k bht kuch seekhny ki koshish ki, kerti hon or krti rahon gi, tahm abhi
MSC economics or tafseer_e_quraan or wifaq k marahal hi tay kiye hen aagay jo mery
malik ki marZi..... or aajkal ki masroofiat:
din charhta hai tery naam sy or raat bhi dhal jati hai
aay Khuda mujhy surkhroo krna k kb saans nikle jati hai
4: hum 2 bhai or 2 behnen hen or mera pehla nmber hai, wesy wo kehty hen na k:
nata hai mera hawwa ki hr beti,hr bety se
kon hai aZeeZ sb sy sbhi hen behan bhai
5: kesy kahon main haal_e_dunia,kesy kron bayan
jaag aay musafir tu samjhy hai kon si Zubaan
to janab main sirf 3 tarhan se baat kr skti hun, punjabi, urdu, english or arabic bhi
almost aati hai bt thori hasitation hai abhi or han isharon ki Zuban bhi smjh leti hon.........
6: teri ye dosti le dooby gi mujhy aay ibn_e_aadam
k hamary beech hai ik nafs, iblees naam hai jiska
mery khayal main to dosti k liye sb se pehly to aapki sanson ka malik aapka parwardigar
hai to jb Rabb se dosti ho jaye t yaqeen manen k na to phir kisi dost ko kho deny ka
darr hota hai or na hi kabhi kisi raZ k afsha ho jany ki fikar hoti hai or maZy ki baat ye
phir kaheen pe kisi ka intaZaar bhi nahi krna parta q k aapka dost hamesha aap k saath
hota hai......
7: janch soony ki hoti hai pathar pe ragar khany sy
insaanon ki parakh me magr itna hosla nahi hota
dost sirf dosti k liye hota hai or dorti to naam hi aitbaar or bharoosy ka hai or kisi cheeZ
ki parakh tb ki jati hai jb us k bary me shak ho to mery khayal me dosti ko parakhna
dosti pe shak krna hi hai jis ki itny anmool or pyary rishty me koi gunjaish nahi hoti.
8: kisi ka garyban pakarna phir usi sy buhabbat jatana
na jany ye kon si sayasat chal pari hai Zamany main
aaj kal wo kon si aisi jaga hai jahan sayasat nahi chalti, ghr me sayasat, office me sayasat,
gali, baZaar me sayasat, aisy haalat me to kisis bhi normal insan ko sayasat se dilchaspi ho
skti hai or na chahty hue bhi hr insaan sayasat me involve ho jata hai, main to phir Khuda
ki aik nacheeZ si bandi hon.
9: KP ka hr section lajawab hai q k hr section me itny pyary pyary log milty hen or jahan
itny great log hon wo jaga hr lehaZ se or hr rhkh sy lajawb hoti hai kisi ne kya khoob
kaha hai k:
teri hr adaa se hai muhabbat, hr rukh se hai ulfat
k tere saaye main khaZany hen an gint chahaton k
10: kehty hen k insaan aik aisi mekhlooq hai Khuda ki jo khushi k Zamany me ghum ka hr
Zamana bhool jata hai chahy wo uski Zindagi ka sb se bara or sb sy ghamnaak almiya hi
q na ho lakin kabhi kabhar us gham ki chubhan dil ko Zakhmi kr hi daiti hai to meri
Zindagi main bhi shayed aisa kuch ho lakin main wo yaad kr k apny parwadigar ki
nashukri nai krna chahti q k us ne mujhy dunia ki hr cheeZ, Zindagi ki hr naimat, hr
muhabbat se nawaZa hai to main guZry huy kal ka roona roo k apny malik ki aaj ata ki
hui naimaton ki nashukri kesy kron...??
11: kuch to krun Zindagi ki rahoon pe chalty chalty
Aa maa mujhy dua dy k irady mery buland hain
12: meri himmat, mera junoon, mera maan
nahi tujh sa koi mri jaan mra Pakistan
13: kisi manoos lamhy main kisi manoos chehry sy
muhabbat ki nahin jati, muhabbat ho hi jati hai
mujhy bhi muhabbat hui thi or abhi tak hai or khoob phal phool rahi hai or inshaAllah
hamesha rahy gi apni puri aab_O_taab k saath.
14: ary janab ye poochiye k kya nahi krti, bari lambi fehrist hai, phir kabhi sahi, pehly hi
lamba ho gaya.
15: hr cheeZ kha leti hon, mujhy nahin yaad parta k kabhi Zindagi me kisi khany wali
cheeZ pe main ne "na" ki ho,
16: hr wo khail jo aap ko motivation de jeetny ki or Zindagi me aagay barhny ki.
17: mod hona koi aib ya buri baat nahi hai lakin agr aap apni limits me raho to,
umeed hai k mery jawabaat poory ho gaye hon ge agr koi miss hai to
us k liye maaZrat, agr meri baaten kisi ko achi na lagin to paishgi maaZrat
or please mujhy bataiye ga Zroor k main kahan galat hon or mujhy kahan
apna point of view badalna chahiye.
bohat aahistagi se her lamhaa doobti ik sadaa ki soorat. . . . !
me khalwt_e_jan me bujh rhi hn mujy duaon me yad rakhye
