Qabooli Biryani قبولی بریانی

باسمتی چاول دھوکر پندرہ منٹ کے لیے بھگو دیں۔

چنے کی دال بکھری بکھری اُبال لیں۔

اب ایک دیگچی میں ہاتھ کا کُٹا ہوا قیمہ، ادرک لہسن کا پیسٹ، نمک، پسی لال مرچ، ہلدی اور گھی ڈال کر پانی شامل کیے بغیر قیمہ بھون کر اُتار لیں۔

پھر اُبلی دال کا پانی نکال کر دہی، باریک کٹا پودینہ، ہری مرچ، ثابت کُٹی کالی مرچ اور لیموؤں کا رس ملا دیں۔

اس کے بعد ایک چھوٹی دیگچی میں گھی گرم کرکے باریک کٹی پیاز گولڈن کریں اور نکال کر اخبار پر پھیلا دیں، تاکہ وہ خستہ ہوجائے اور گھی کو دال میں ملا دیں۔

ایک بڑی دیگچی میں چاول اُبالیں۔

پانی میں پودینے کے چند پتے، ثابت ہری مرچ، زیرہ، سفید سرکہ اور نمک ڈال دیں۔

جب چاول دو کنی اُبل جائیں تو پانی نکال کر چاول چھلنی میں رکھ دیں۔

اس کے بعد چاول والی دیگچی میں نیچے تھوڑی سی چکنائی لگاکر چاولوں کی ایک تہہ لگائیں۔

ان پر قیمے کی تہہ اور تھوڑی سی پیاز ہاتھ سے کچل کر ڈالیں۔

اب چاول، قیمہ، پھر دال کی تہہ اور تھوڑی پیاز کچل کر ڈال دیں۔

سب سے اوپر چاول ڈالیں۔

پھر گرم دودھ میں زردے کا رنگ ملا کر شامل کریں۔

ساتھ ہی بچی ہوئی تلی پیاز اور لیموں کا رس ڈال کر ڈھکیں۔

اب اسے توے پر پانچ منٹ کے لیے تیز آنچ پر دَم دیں۔

پانچ منٹ کے بعد ہلکی آنچ کریں۔

بھاپ آنے پر تیار قبولی بریانی دہی کے رائتے اور اچار کے ساتھ سرو کریں۔