نان خطائی (Delicate Crumbly Biscuits with Semolina) Naan Khatai

سوجی کو پانی میں بھگو کے چھان لیں۔

میدہ،سوجی،بیکنگ پاؤڈر،چینی اور نمک مکس کریں۔پھر ونیلا ایسنس اور تھوڑا تھوڑا کرکے گھی شامل کریں اور مکس کریں۔ گھی سارا ڈالنا ضروری نہیں بس اتنا ڈالیں کہ سب چیزیں یکجان ہو جائیں۔

اب دودھ شامل کرکے مکس کریں کہ نرم ڈو بن جائے۔اسی وقت ہلکے ہاتھ سے بالز بنا کے ان کو چپٹا کرلیں۔

بکنگ ٹرے کو چکنا کرلیں۔ اس میں تھوڑے فاصلے سے نان خطائی رکھیں، خیال رہے کہ خطائی نے پھولنا ہے۔

احتیاط کے ساتھ برش سے ہر نان خطائی پر پھینٹا انڈا لگائیں۔

بادام کے ساتھ گارنش کیلئے: ہر نان خطائی کے اوپر آدھا بادام اس طرح رکھیں کہ بادام کے چھلکے والا حصہ اوپر کی طرف آئے۔

جام کے ساتھ گارنش کیلئے: ہر نان خطائی کے درمیان میں جام قطرے کی طرح رکھ دیں۔

چیری کے ساتھ گارنش کیلئے: ہر نان خطائی کے درمیان میں چیری کو اندر کی طرف تھوڑا سا دبا دیں۔

پستہ کے ساتھ گارنش کیلئے۔۔ ہر نان خطائی کے درمیان میں تھوڑا سا کرش پستہ رکھ دیں۔

گارنش کے بعد 180ڈگری پر پری ہیٹ اوون میں اٹھارہ سے بیس منٹ بیک کریں یا ہلکا براؤن ہونے تک بیک کریں۔ ان کو زیادہ بیک نہیں کرنا۔

نان خطائی مخفوظ کرنے کیلئے: ائیر ٹائٹ ڈبے میں بیکری والا چرمی کاغذ بچھائیں اور اس پر ٹھنڈی نان خطائی رکھ دیں۔اس کے اوپر پھر چرمی کاغذ بچھا کے نان خطائی رکھیں۔ اس طرح رکھنے سے یہ دس سے بارہ دن ٹھیک رہ سکتی ہیں۔