Chicken Piyaza چکن پیازہ

پہلے چکن کے چھوٹے ٹکڑے کاٹ کر ایک طرف رکھ دیں۔

اب کڑایی میں تیل گرم کرکے کٹی پیاز شامل کرکے اتنا پکائیں کہ پیاز نرم ہوجائے۔

پھر اس میں ادرک لہسن کا پیسٹ اور چکن شامل کرکے ایک سے دو منٹ تک بھونیں۔

اس کے بعد ہری الائچی، تیز پتے، لونگ اور ثابت لال مرچ شامل کرکے اچھی طرح سے بھون لیں۔

اب آنچ ہلکی کرکے پسی لال مرچ، ہلدی، پسا دھنیا، پسا زیرہ، اُبلے اور کٹے ٹماٹر اور ایک کپ پانی شامل کرکے ڈھک دیں اور ہلکی آنچ پر پکنے کے لیے چھوڑ دیں۔

اب دس سے بارہ منٹ بعد ڈھکن ہٹاکر نمک شامل کریں۔

پھر چھوٹی پیاز کو چھیلیں اور دو ٹکڑے کرکے شامل کر دیں۔

آخر میں اب پانچ سے چھ منٹ کا دَم دیں، تاکہ چھوٹی پیاز نرم ہوجائے۔

مزے دار چکن پیازہ ہرا دھنیا سے گارنش کرکے سرو کریں۔