Qeema Aur Aloo Kay Kebab قیمہ اور آلو کے کباب

پہلے آلو اُبال کر چھیلیں اور کانٹے کی مدد سے بھرتہ بنالیں۔

پھر ایک فرائنگ پین میں مشین کا پسا ہوا قیمہ، ادرک لہسن کا پیسٹ، ہلدی اور حسبِ ذائقہ نمک ڈال کر پکنے رکھ دیں۔

جب قیمے کا پانی خشک ہو جائے تو اسے اُتار کر ٹھنڈا کرلیں۔

اب اس میں بھنا سفید زیرہ، کُٹی کالی مرچ، کُٹی لال مرچ، باریک کٹی ہری مرچ، پیاز، باریک کٹا ہرا دھنیا شامل کر دیں۔

ساتھ ہی لیموں کا رس ملا دیں۔

اس کے بعد کچلے ہوئے آلوؤں میں تھوڑا سا نمک شامل کرلیں۔

پھر ہاتھ پر ذرا سی چکنائی لگا کر تھوڑے آلو ہاتھ پر پھیلائیں اور درمیان میں تیار کیا ہوا قیمہ رکھ کر کٹلٹس بنالیں۔

اب اسے پھینٹے ہوئے انڈوں میں ڈِپ کرکے بریڈ کرمبزلگائیں۔

اسی طرح تمام کٹلٹس (cutlets) ایک ساتھ بنا کر رکھیں۔

اس کے بعد ایک کڑاہی یا فرائنگ پین میں تیل گرم کرکے کٹلٹس تلیں اور گولڈن براؤن ہونے پر نکال لیں۔

آخر میں انھیں ٹومیٹو سوس کے ساتھ سرو کریں۔