Gram Flour Mince Balls بیسنی کوفتے

پہلے چوپر میں چکن کا قیمہ، ادرک لہسن کا پیسٹ، ایک پیاز، ہری مرچ، ہرا دھنیا اور نمک شامل کرکے خوب اچھی طرح پیس لیں اور چھوٹے چھوٹے کوفتے بناکر ایک طرف رکھ دیں۔

اب ایک پیالے میں دہی، بیسن اور پانی شامل کرکے خوب اچھی طرح مکس کر لیں۔

پھر اس میں ہلدی اور پسی لال مرچ بھی شامل کر دیں۔

اب الگ کڑاہی میں دو سے تین کھانے کے چمچ تیل شامل کرکے باقی بچی ایک عدد پیاز ڈال کر تھوڑا سا نرم کریں۔

جب نرم ہو جائے تو اس میں بیسن اور دہی والا مکسچر اس میں ڈال کر ہلکی آنچ پر پکنے کے لیے چھوڑ دیں۔

اگر پانی کم لگے تو تھوڑا سا پانی شامل کر دیں۔

جب یہ خوب اچھی طرح گاڑھی ہو جائے تو چکن کے کوفتے شامل کرکے دم پر پکنے کے لیے چھوڑ دیں۔

اب الگ پین میں ایک چوتھائی کپ تیل گرم کرکے ثابت لال مرچ، لہسن کے جوئے اور زیرہ شامل کرکے فرائی کریں اور کڑاہی پر اس کا تڑکا لگائیں۔

مزے دار بیسنی کوفتے تیار ہیں۔