Daal aur Pudinay Kay Kabab دال اور پودینے کے کباب

چنے کی دال کو دھوکر دو سے تین پیالی پانی کے ساتھ ایک دیگچی میں ڈال دیں۔

ساتھ میں ثابت گرم مصالحہ، نمک، ثابت دھنیا، سفید زیرہ، ثابت لال مرچ، لہسن اور ادرک ڈال کر اتنا اُبالیں کہ دال گل جائے اور بکھری بکھری رہے۔

اب اسے ٹھنڈا کرکے چوپر میں پیس لیں۔

پھر اس میں انڈے کی سفیدی، چاول کا آٹا اور ڈبل روٹی کے سلائس کے کنارے کاٹ کر درمیان کا حصہ توڑ کر ملائیں اور اچھی طرح گوندھ لیں۔

اس کے بعد پودینہ اور ہری مرچ کی چٹنی پیس کر دال میں شامل کردیں۔

اب پیاز کو آملیٹ کی طرح کاٹ کر دال میں ملائیں۔

پھر لیموں کا رس شامل کرکے ہاتھ چکنا کرکے شامی کباب کی طرح کباب بناکر تیل میں شیلو فرائی کرلیں۔

جب وہ گولڈن براؤن ہو جائیں تو نکال کر ٹومیٹو کیچپ یا املی کے سوس کے ساتھ سرو کردیں۔