سالم مچھلی باربی کیو Whole Fish Barbequed

ایک باؤل میں سفید سرکہ،ادرک لہسن پیسٹ، مسٹرڈ پیسٹ،پیپریکا پاؤڈر،سویا ساس،ہری مرچ پیسٹ،نمک اور تیل اچھی طرح مکس کریں۔

ہری مرچ کو لمبائی میں کاٹ کے بیج نکال دیں۔

شملہ مرچ،ٹماٹر اور پیاز کو درمیانہ سائز میں کاٹ لیں۔ایک باؤل میں سبزیاں ڈال لیں اور تھوڑا سا مکس مصالحہ ان میں ڈال کے مکس کریں۔

مچھلی کو دونوں طرف تر چھے کٹ لگائیں اور مصالحہ اوپر لگائیں۔

اب مچھلی کو فوئل میں رکھیں جو مصالحہ بچ گیا ہو وہ بھی اوپر ڈال دیں۔

مچھلی کے اوپر اور نیچے سبزیاں رکھ دیں اور اسے اچھی طرح فوئل میں لپیٹ دیں۔

اب اس کو گرل پر دس سے پندرہ منٹ کیلئے رکھ دیں۔

جب مچھلی اسی فیصد پک جائے تو فوئل کو کھول کر اس میں بیزل کے پتے ڈال کر دوبارہ بند کرلیں اور دو منٹ تک پکائیں۔

پلیٹر کو سلاد کے پتے، لیموں،کھیرا اور ٹماٹر سے سجائیں سالم مچھلی رکھ کے پیش کریں۔

اوون میں بنانے کیلئے 200 ہیٹ پر بیک کرلیں۔