Fruit Sun Rise فروٹ سن رائز

پہلے آڑو کو چھوٹا کاٹ کر کوکٹیل فروٹ کے ساتھ مکس کرلیں۔

اورنج کو چھیل کر اندر کا گودا نکال لیں۔

اب پین میں ایک کپ پانی میں چائنا گراس اور دو کھانے کے چمچ چینی کو پکالیں۔

جب وہ پک جائے تو شیشے کی ڈش میں نکال لیں۔

اس پر آدھی مقدار میں کوکٹیل فروٹ پھیلا کر ڈال دیں اور فریزر میں جمنے کے لیے رکھ دیں۔

اب ایک پین میں ایک کپ پانی کے ساتھ اورنج جیلی کا پیکٹ اور دو کھانے کے چمچ چینی شامل کرکے پکالیں۔

جب جیلی اچھی طرح سے تیار ہو جائے تو فریج سے مولڈ نکال کر اس پر اورنج اور آڑو ڈال کر پھیلائیں اور اس پر پکی ہوئی جیلی ڈالیں اور دوبارہ فریزر میں جمنے کے لیے رکھ دیں۔

اب الگ پین میں ایک کپ پانی کے ساتھ لال جیلی کو دو کھانے کے چمچ چینی کے ساتھ پکالیں۔

جب جیلی اچھی طرح سے تیار ہو جائے تو فریزر سے مولڈ نکال کر باقی بچا فروٹ پھیلائیں اور جیلی ڈال کر دوبارہ جمنے کے لیے رکھ دیں۔

پندرہ سے بیس منٹ بعد جب اچھی طرح سے جم جائے تو اسے مولڈ سے نکال کر پلیٹر پر رکھیں اور سلائس کرکے سرو کریں۔