Bar B Q Chargha بار بی کیو چرغہ

پہلے ایک عدد ثابت چکن کو درمیان میں سے آدھا کاٹ لیں۔

گردن کو الگ کرکے بریسٹ پیس اور لیگ پیس کو ایک ساتھ رکھیں۔

بلینڈر میں ایک عدد درمیانی پیاز، دو انچ کا ٹکڑا ادرک، آٹھ جوئے لہسن اور ایک چوتھائی کپ پانی کے ساتھ بلینڈ کریں اور پانی چھان کر پیسٹ الگ کرلیں۔

چھنے پانی میں سفید سرکہ، ڈیڑھ چائے کا چمچ نمک، تین چائے کے چمچ پسی لال مرچ اور گرم مصالحہ ڈال کر مکس کریں اور چکن پر لگا کر چار گھنٹوں کے لیے میری نیٹ ہونے کے لیے رکھ دیں۔

چھلنی پر میری نیٹ کی ہوئی چکن رکھ کر تیس منٹ دم دیں۔

جب چکن گل جائے تو نکال کر الگ رکھ دیں۔

اسکے بچے پانی میں ایک چائے کا چمچ پسی ہوئی لال مرچ، ادرک لہسن کا پیسٹ اور اورنج فوڈ کلر دس منٹ تک پکائیں جب تک سارا پانی خشک ہو جائے اور پیسٹ تیار ہو جائے تو دم چکن پر لگا کر تھوڑا سا تیل لگا کر گرل پر باربی کیو کریں۔