Chicken Fried Masala چکن فرائیڈ مصالحہ

پہلے چکن کے کیوبز کاٹ لیں۔

اب ایک پیالے میں باریک کٹی پیاز، باریک کٹی ہری مرچ، کٹا ہرا دھنیا، ادرک لہسن کا پیسٹ، پسی لال مرچ، ہلدی، پسا گرم مصالحہ، پسا زیرہ، تازہ کریم، دہی، لیموں کا رس اور ٹومیٹو پیوری کو تیل کے ساتھ اچھی طرح مکس کریں۔

جب سوس تیار ہوجائے تو چکن کو اس میں اچھی طرح میری نیٹ کریں اور ایک طرف رکھ دیں۔

اب بادام کو ہلکے سے گرم پانی میں بھگوکر چھلکا اُتار لیں۔

خیال رہے کہ بادام کچے رہیں۔

پھر انھیں خوب اچھی طرح سے چوپر میں پیس لیں۔

اب الیمونیم فوائل کے چار چار انچ کے چوکور حصے کاٹ لیں۔

اس کے بعد ان ٹکڑوں میں دو دو چکن کی بوٹیاں رکھ کر تھوڑا تھوڑا سا پسا ہوا بادام چھڑکیں اور خوب اچھی طرح سے پیک کرلیں۔

اس کے بعد پین میں تیل گرم کرکے ان پیکٹ کو دو، دو یا تین، تین کرکے فرائی کرلیں۔

جب تمام پیکٹ فرائی ہو جائیں تو انھیں نکالیں اور الیمونیم کے ساتھ یا الیمونیم سے نکال کر سرو کریں۔