Punjabi Cholay (Punjabi Chickpeas) پنجابی چھولے

چنوں کو صاف دھو کر تین سے چار گھنٹے (3-4 hours) گرم پانی میں بھگو کر رکھ دیں۔

اُبالنے سے پہلے پانی پھینک کر تازہ گرم پانی ڈال کر پکنے کے لئے رکھ دیں (اُبالتے ہوئے ایک چٹکی چینی اور ایک چٹکی نمک شامل کر دیں)

ٹماٹر اور ہری مرچوں کو باریک کاٹ لیں۔

کڑاہی میں  کوکنگ آئل کو درمیانی آنچ پر دو سے تین منٹ (2-3 mins) گرم کریں اور اس میں اجوائن اور زیرہ ڈال دیں۔

ایک سے دو منٹ (1-2 mins) کے بعد اس میں ادرک لہسن، ہری مرچیں اور ٹماٹر ڈال کر ملائیں اور ڈھک کر ہلکی آنچ پر ٹماٹر گلنے رکھ دیں۔ بیسن ڈال کر اچھی طرح بھونیں(Roast)۔

پھر اس میں نمک، کالی مرچ، چاٹ مصالحہ، لال مرچ، امچور، دھنیا اور ہلدی ڈال کر ملائیں اور دو سے تین منٹ (2-3 mins) تک بھونیں۔

اُبلے ہوئے چنے ڈال کر اچھی طرح مصالحے کے ساتھ ملائیں اور ایک پیالی پانی ڈال کر ڈھک دیں۔

پانچ سے سات منٹ (5-7 mins) ہلکی آنچ پر پکا کر چولہے سے اُتار لیں۔

سجاوٹ: گرم گرم ڈِش میں نکال کر ہرا دھنیا اور ہری مرچیں چھڑک دیں اور پراٹھے یا پوریوں کے ساتھ پیش کریں۔