Sweet Puriyan میٹھی پوریاں

پیالے میں میدہ، نمک، سوڈا، دو کھانے کے چمچ تیل اور پانی ڈال کر آٹا گوندھیں اور ڈھانک کر آدھے گھنٹے کے لیے رکھ دیں۔

دیگچی میں دو کھانے کے چمچ تیل، ناریل کا پاؤڈر، چینی، ناریل اور دُودھ کا پاؤڈر، کشمش، بادام، پستے اور باریک پسی ہوئی چینی ملاکر چند منٹ پکائیں اور چولہا بند کر دیں۔

گوندھے ہوئے آٹے کے چھوٹے چھوٹے پیڑے بناکر بیلیں، ان کے درمیان ایک ایک کھانے کا چمچ تیار آمیزہ رکھ کر چاروں طرف سے بند کرکے پوٹلی بنالیں۔

کڑاہی میں تیل گرم کرکے میٹھی پوریاں سنہری رنگ آنے تک تَل کر جاذب کاغذ پر نکال لیں۔