Beng Beng Chicken بینگ بینگ چکن

پہلے کھیرے کو لمبے سلائس میں کاٹ لیں اور اس کے بیج نکال لیں۔

پھر ادرک، گاجر اور کھیرے کو ایک پیالے میں ایک کھانے کا چمچ سرکہ اور تھوڑے سے نمک کے ساتھ میری نیٹ کرکے ایک طرف رکھ دیں۔

اب ایک پین میں پانی گرم کرکے چکن بریسٹ، پیاز، کالی مرچ اور تھوڑے سے نمک کے ساتھ اُبلنے کے لیے رکھیں اور ڈھک کر اتنا پکالیں کہ چکن اچھی طرح گل جائے۔

اب ایک پیالے میں تاہینی سوس، چکن کی یخنی، سویا سوس، دو کھانے کے چمچ سرکہ، ہری پیاز، لہسن، براؤن شوگر، کٹی کالی مرچ اور تھوڑے سے نمک کے ساتھ مکسچر تیار کرکے ایک طرف رکھ دیں۔

پھر ایک چھوٹے پین میں تیل گرم کرکے لال مرچ شامل کرکے چند سکینڈ پکائیں اور چولہے سے اتارلیں۔

اب کھیرے کو ہاتھ سے نچوڑ کر پیالے سے نکال لیں۔

چکن بریسٹ کو اسٹرپس میں کاٹیں اور ایک پیالے میں کھیرے کے ساتھ مکس کرلیں۔

پھر تاہینی سوس والے پیسٹ کو ایک پین میں ڈال کر ہلکا سا گرم کرلیں۔

ساتھ ہی کھیرا، چکن، ادرک اور گاجر کو ہلکا سا مکس کریں۔

آخر میں تیار کیا ہوا چلی آئل ڈال دیں۔

اب بچی ہوئی یخنی کو ساتھ رکھ کر گرم گرم سرو کریں۔