Chicken Xacuti چکن زاکوٹی

ایک پین میں تیل گرم کرکے کھوپرا ڈال کر ہلکا براؤن کرلیں اور جار میں ڈال لیں۔

پھر پین میں لہسن کے جوئے، ثابت لال مرچ، زیرہ، دھنیا، ثابت کالی مرچ، سونف، اجوائن، خشخاش، لونگ، دار چینی اور بادیان ڈال کر بھون لیں۔

پھر اسے کھوپرے میں ڈال کر ہلدی اور حسب ضرورت پانی شامل کرکے بلینڈ کریں اور پیسٹ بنالیں۔

اب تیل میں پیاز فرائی کرکے گولڈن براؤن کرلیں۔

پھر چکن شامل کرکے مزید دو سے تین منٹ کے لیے بھون لیں اور نمک شامل کرلیں۔

اب اس میں مصالحہ پیسٹ ڈال کر چمچ چلائیں اور دو کپ پانی ڈال کر پکنے کے لیے چھوڑ دیں۔

آخر میں املی اور جائفل ڈال کر مکس کریں اور ہلکی آنچ پر دَم پر رکھ دیں۔

اُبلے ہوئے چاولوں کے ساتھ سرو کریں۔