چکن اسٹیک مشروم سوس کےساتھ Stuffed Chicken Minced Steak with Mushroom Sauce

ایک پیالے میں چکن کا قیمہ، باریک کٹی پیاز، ادرک لہسن کا پیسٹ، فریش بریڈ کرمبز، نمک، کالی مرچ اور ووسٹر سوس ڈال کر اچھی طرح مکس کر لیں۔ اسے الگ رکھ دیں۔

دوسرے پیالے میں چیز، اوریگانو اور باریک کٹا ہرا دھنیا ڈال کر مکس کر لیں۔

اب قیمے سے چھ بالز بنائیں۔ ہر بال کو ہتھیلی پر رکھ کر چپٹا کر لیں۔

اس پر تھوڑا سا چیز رکھیں اور دوبارہ سے بال کی شکل میں بنا لیں۔

ایک بار پھر سے اسٹیک کی شکل میں چپٹا کریں۔ خیال رہے کہ فلنگ کا آمیزہ باہر نہ آئے۔

اب ایک گرل پین کو گرم کر کے قیمے سے بنے اسٹیک کو دو کھانے کے چمچ تیل کے ساتھ فرائی کریں۔

ہر اسٹیک کو ہلکی آنچ پر آٹھ سے دس منٹ پکائیں۔

پکانے کے دوران اسٹیک کو آہستہ آہستہ دباتے بھی رہیں۔

اس کے بعد اسے ایک سرونگ پلیٹ میں نکال کر مشروم سوس ڈالیں۔

آخر میں اسے ابلی سبزیوں اور اُبلے چاول کے ساتھ پیش کریں۔

مشروم سوس بنانے کے لیے:ایک سوس پین میں مکھن گرم کریں۔

اس میں مشروم ڈال کر ایک منٹ تک فرائی کریں۔

پھر اس میں میدہ بھی شامل کر دیں اور مزید کچھ دیر بھون لیں۔

اس کے بعد چولہے سے ہٹا کر یخنی، ٹماٹو کیچپ، نمک، کالی مرچ اور ووسٹر سوس ڈال کر گاڑھا ہو جانے تک پکا لیں۔