Chicken Fillet with Apricot Ginger Sauce

چکن بریسٹ فلیز کو کانٹ سے گود کر نمک، رائی اور کوکنگ آئل ملا کر دو گھنٹوں کےلئے فریج میں رکھ دیں۔

نان اسٹک فرائنگ پین میں مکھن گرم کریں، چکن فلیز ڈال کے ڈھک کر درمیانی آنچ پر گَلنے تک پکائیں۔

خوبانیاں کاٹ کر بیج نکال لیں، پین میں ایک پیالی پانی اور کٹی ہوئی خوبانیاں ڈال کر دھیمی آنچ پر پکائیں۔

خوبانی کے چھلکے علیحدہ ہونے لگیں تو چھلکے نکال کر بقیہ گودے کو لکڑی کے چمچ کی مدد سے میش کرکے گاڑھا ساس بنالیں۔

ادرک چھیل کر باریک کاٹ لیں، پیاز باریک کاٹ کر پین میں خوبانی کا ساس، ادرک اور سویا ساس ڈالیں، اجزاء کو مِکس کریں۔

پیالی میں ایک کھانے کا چمچ پانی اور کارن فلور مِکس کرکے ساس میں ڈالیں، مسلسل چمچ چلاتے رہیں۔

ساس گاڑھا ہونے لگے تو پیاز ڈال کر ایک منٹ پکائیں پھر پیالی میں نکال لیں۔

سرونگ پلیٹ میں چکن فلیز کے اوپر خوبانی ادرک ساس ڈال کر سرو کریں۔