Mochomo Beef موچومو بیف

پہلے بیف انڈر کٹ کو کھڑے ریشے کے حساب سے پیسنے کے طرح کاٹ لیں۔

اس کے بعد ایک کڑاہی میں پانی بھر کر اس میں بیف، دو عدد لہسن کے جوئے، کالی مرچ، لونگ، تیز پتا اور ایک پیاز شامل کرکے ڈھک کر پکنے کے لیے چھوڑ دیں۔

اسے پندرہ سے بیس منٹ تک اتنا پکائیں کہ بیف نرم ہو جائے۔

بیف جب گل جائے تو اسے نکال لیں اور تھوڑا ٹھنڈا کرکے خوب اچھی طرح سے اس کا ریشہ ریشہ لگ کرلیں۔

پھر ایک پیاز کو سلائس کرلیں۔

ہری مرچ، ثابت لال مرچ، ادرک اور لہسن کے باقی بچے دو جوئوں کو لمبائی میں باریک کاٹ لیں۔

اب کڑاہی میں دو کھانے کے چمچ تیل گرم کرکے ہلکی آنچ پر پیاز، ادرک، ہری مرچ اور لہسن شامل کرکے خوب اچھی طرح سے اتنا پکالیں کہ پیاز سنہری رنگ میں آجائے۔

پھر اس میں ریشہ کیا ہوا بیف اور نمک شامل کرکے ہلکی آنچ پر خوب اچھی طرح سے فرائی کرلیں، یہاں تک کہ وہ گولڈن ہو جائے اور اچھی طرح سے خشک ہو جائے۔

اب اس کے برگر بناکر یا پیٹا بریڈ میں رول کرکے یا سینڈوچ بنا کر سرو کریں۔