Beef Balchao بیف بالچاؤ

پہلے ایک خشک فرائی پین میں دار چینی، خشک لال مرچ، لونگ، زیرہ اور ثابت کالی مرچ کو ہلکا سا بھونیں اور گرائینڈر میں ڈال کر پاؤڈر بنالیں۔

اب الگ کڑاہی میں دو کھانے کے چمچ تیل گرم کرکے ادرک اور لہسن کے جوئے شامل کرکے اتنا فرائی کریں کہ کچا پن دور ہو جائے۔

پھر پسے ہوئے مصالحے کو اس میں شامل کر دیں۔

ساتھ ہی بییف انڈر کٹ کے چھوٹے کٹے ہوئے کیوبز اور ہلدی شامل کرکے پانچ سے چھ منٹ تک بھونیں۔

پھر اس میں پانی، ٹماٹر کا پیسٹ اور پسی لال مرچ ڈال کر ڈھکیں اور ہلکی آنچ پر پکنے کے لیے چھوڑ دیں۔

اس دوران ایک الگ پین میں باقی بچے تیل میں پیاز کو گولڈن براؤن کرلیں۔

پھر اسے نکال کر ہاتھ کی مدد سے چورا کر لیں۔

پندرہ سے بیس منٹ بعد کڑاہی کا ڈھکن ہٹاکر چورا کی ہوئی پیاز، نمک، چینی اور سرکہ شامل کرکے دو سے چار منٹ تک مزید بھون لیں۔

مزے دار بیف بالچاؤ تیار ہے۔