چٹ پٹی اچاری بریانی Chatpati Achari Biryani

تیل یا گھی میں باریک کٹی درمیانی پیاز ہلکی سنہری کریں اور دو کھانے کے چمچ نکال کر الگ رکھ دیں۔

باقی پیاز گوشت، پسا لہسن اور پسی ادرک ڈال کر پانچ سے دس منٹ بھونیں۔

پھر گوشت میں حسب ضرورت پانی شامل کر کے ہلکی آنچ پر پکنے دیں۔

اس کے بعد باریک کٹے درمیانے ٹماٹر، دہی، ایک پیکٹ چٹ پٹی اچاری بریانی مصالحہ ڈال کر ہلکی آنچ پر گوشت گلنے دیں۔

جب تیل یا گھی اوپر آجائے تو اس میں چھوٹی ہری مرچ، کٹا ہرا دھنیا، کٹا پودینہ اور لیموں شامل کر کے برتن چولہے سے اُتار لیں۔

اب الگ دیگچی میں بارہ گلاس پانی میں نمک ڈال کر باسمتی چاول اُبالیں، یہاں تک کہ وہ ایک کنی رہ جائیں۔

پھر ایک اور دیگچی میں سالن اور چاول کی دو تہہ لگا کر اوپر زردے کا رنگ ڈالیں اور پہلے تیز آنچ پر پانچ منٹ اور پھر ہلکی آنچ پر دس منٹ دَم دیں۔

آخر میں چٹ پٹی بریانی تلی پیاز سے گارنش کر کے سلاد اور رائتے کے ساتھ سرو کریں۔