رس ملائی Ras Malai Dessert

ملک پاؤڈر میں انڈہ، بیکنگ پاؤڈر، گھی اور چائے کا نصف چمچ سبز الائچی پاؤڈر ملا کر اچھی طرح گوندھ لیں۔

بیضوی رس ملائیں بنا کر ایک طرف رکھ دیں۔

دودھ ابال کر اس میں شکر ملا لیں۔ اتنا پکائیں کہ شکر گھل جائے پھر اس میں ثابت سبز الائچیاں بھی ڈال دیں۔

جب دودھ کی مقدار پکنے کے بعد نصف رہ جائے تو تیار شدہ رس ملائیاں دودھ میں ڈال کر مزید آٹھ منٹ تک دودھ پکالیں۔

خیال رہے آنچ دھیمی ہونی چاہیے۔

اس دوران پتیلی کو ایک دو بار کپڑے کی مدد سے ہلا لیں تاکہ دودھ پیندے میں لگنے نہ پائے۔

جب رس ملائیوں کا سائز تقریباً دوگنا ہو جائے تب پتیلی چولہے پر سے ہٹا کر اس میں کیوڑہ، بادام اور پستے کی ہوائیاں اور بقیہ نصف چمچ الائچی پاؤڈر ڈال دیں۔

ٹھنڈا کرکے کھانے کے لیے پیش کریں۔