بٹر چکن Butter Chicken

چکن بریسٹ کے تین سے چار سلائس کرلیں۔

ادرک لہسن پیسٹ، کلونجی،لیموں کا رس، لال مرچ پاؤڈر،کْٹی لال مرچ، نمک،ووسٹر ساس یا اٍملی کا رس ایک باؤل میں مکس کریں اور چکن کو اس میں دو گھنٹے میرینیٹ کریں۔

گرل پین میں تیل اور مکھن گرم کرکے کچن سلائسز کو تیز آنچ پر گرل کریں۔ ان کو بار بار ہلانا نہیں۔(اوون ٹرے میں بھی بیک کر سکتے ہیں )۔

چکن تیار ہو جائے تو اسے دس منٹ ٹھنڈا کرکے چھوٹے ٹکڑوں میں کاٹ لیں۔

ساس بنانے کیلئے: پین میں تیل اور مکھن گرم کرکے کْٹاادرک،کْٹا لہسن اور سبز الائچی کو ہلکا براؤن کرلیں۔ پھر ٹماٹو ساس،کْٹی ہری مرچ،دار چینی پاؤڈراور لال مرچ پاؤڈر شامل کرکے مکس کریں۔

اب چکن کے ٹکڑے ساس میں ڈال کے ہلکے ہاتھوں سے اوپر نیچے کریں۔پھر کریم یا بالائی شامل کرکے پانچ منٹ دم پر رکھ دیں۔

پلیٹر کو ہری مرچ، ٹماٹر، ہرا پیاز سے سجائیں اور اس میں چکن نکالیں۔ پلیٹر کے ایک سائڈ پر نان رکھ دیں اور سرو کریں۔