Potato Dosa آلو ڈوسا

پہلے چاولوں اور دال کو دھو کر ایک گھنٹے کے لیے بھگو دیں۔

پھر ان کا پانی پھینک کر پہلے بلینڈر میں چاول شامل کرکے چھ کھانے کے چمچ یا نوے ملی لیٹر پانی ڈال کر پیس لیں اور ایک پیالے میں نکال لیں۔

اب اسی طرح مسور کی دال کو بھی پیس کر چاول والے پیسٹ میں شامل کر دیں اور اوپر سے تھوڑا سا نمک ڈال کر اچھی طرح سے مکس کریں۔

اب اس پر کپڑا ڈال کر کمرے کے درجے حرارت پر کم سے کم بارہ گھنٹے یا رات بھر کے لیے رکھ دیں۔

پھر اس مکسچر کو بہت اچھی طرح سے دوبارہ مکس کریں۔

اب پین میں تھوڑا سا تیل ڈال کر چکنا کرلیں۔

اب تھوڑا سا مکسچر پین کے درمیان میں ڈال کر چمچ سے پھیلا دیں اور تین سے چار منٹ تک پکائیں۔

جب پک جائے تو درمیان میں آلو والی اسٹفنگ رکھ کر رول کر دیں۔

مزے دار مصالحہ ڈوسا تیار ہے۔

فلنگ کے لیے: بلینڈر میں کواٹر کپ پانی کے ساتھ کھوپرے کا پیسٹ بنالیں۔

اب ایک کڑاہی میں یہ مکسچر، کلونجی، رائی دانہ، لال مرچ، فریش کوکونٹ، ہرا دھنیا اور ہری مرچ ڈال کر دو سے تین منٹ تک مکس کریں۔

پھر اس میں آلو ڈالیں۔

ساتھ میں کواٹر کپ پانی بھی ڈال کر آنچ تیز کرکے چار سے پانچ منٹ تک مکس کریں۔

خیال رہے کہ اسٹفنگ بہت زیادہ گاڑھی اور بہت زیادہ پتلی نہ رہے۔