BBQ Paratha Roll باربی کیو پراٹھا رول

پہلے چکن کی چھوٹی چھوٹی بوٹیاں کرکے اُن پر دہی، پیاز، پودینہ، پپیتا، پسی لال مرچ، پسی خشخاش، بھنا زیرہ، ادرک لہسن کا پیسٹ، جاوتری، نمک، پسا گرم مصالحہ اور سرسوں کا تیل لگاکر آدھے گھنٹے کے لیے فریج میں رکھ دیں۔

پھر بوٹیوں کو پین میں ڈھک کر ہلکی آنچ پر پکائیں۔

جب گوشت گل جائے تو چولہا بندکرکے کوئلے کا دھواں دیں۔

چٹنی بنانے کے لیے: پین میں زیرہ، اجوائن، سونٹھ اور لال مرچ ڈال کر بھون لیں۔

پھر بلینڈر میں املی کا رس، لہسن کے جوئے، ہرا دھنیا، پودینہ، گڑ اور نمک ڈال کر بلینڈ کر لیں۔

اس کے بعد چار عدد پراٹھوں پر گوشت کی بوٹیاں رکھ کر اوپر چٹنی، گول کٹی پیاز اور پودینہ ڈال کر رول بنائیں اور سرو کردیں۔