Kundan Kaliyan کندن کلیان

گوشت کو دھوکر ابالیں اور چھان کر الگ رکھ لیں۔

دو کھانے کے چمچ دہی میں پیاز کتر لیں۔اور ادرک و لہسن کا پیسٹ بنالیں۔

ایک برتن میں تیل گرم کرکے اس میں گوشت، دہی ملی پیاز، ادرک و لہسن کا پیسٹ ڈال کر دس منٹ تک بھونیں۔

اب اس میں ہلدی، دھنیا اور پیلی مرچ کا پاؤڈر بھی شامل کرلیں اور مزید تین منٹ تک پکائیں۔

اس کے بعد بقیہ دہی تھوڑا تھوڑا کرکے ملائیں اور ہلکی آنچ پر پکا تے رہیں یہاں تک کے آمیزہ سا بن جائے اور سالن تیل چھوڑ دے۔

ایک کپ پانی شامل کرکے اب جاوتری،بڑی الائچی، لونگ، چھوٹی الائچی، دار چینی اور سیاہ مرچ پاؤڈر کو اچھی طرح پیس کر یک جان کرلیں اور اس میں ڈال دیں۔

اور تیس سے چالیس منٹ تک ہلکی آنچ پر اس وقت تک پکائیں جب تک گوشت نہ گَل جائے۔

بوٹیاں نکال کر الگ رکھ لیں اور شوربے کو ململ کے کپڑے میں چھان کر اس میں کریم اور زعفران بھی شامل کرلیں۔

اور اچھی طرح حل کرنے کے بعد اس میں گوشت دوبارہ ڈال دیں۔

جب ابال آجائے تو پانچ منٹ تک پکانے کے بعد اتار لیں اور تندوری نان کے ساتھ پیش کریں۔