گلزار اسپیشل پیزا Gulzar Special Pizza's

ڈو بنانے کا طریقہ:

پانی کو نیم گرم کر لیں اور اس میں خمیرہ اور چینی شامل کر کے اچھی طرح مکس کر کے اسے پندرہ منٹ کے لیے چھوڑ دیں۔

میدے میں نمک، بیکنگ پاؤڈر اور خمیرہ شامل کر لیں اور اسے اچھی طرح گوندھ لیں اور تین سے چار گھنٹے کے لیے چھوڑ دیں۔

اس کے بعد اس آٹے کو دوبارہ گوندھیں تاکہ ایک جیسا ہو جائے۔

پھر اس کی روٹی بیلیں۔ ڈو تیار ہے۔

سوس بنانے کا طریقہ:

پین میں آئل لیں۔

اس میں پیاز ڈالیں اور پھر اُسے ساتے کر لیں۔

ٹماٹر پیورے، ٹماٹر اور لہسن کا پیسٹ شامل کر کے اسے اچھی طرح مکس کریں اور اس میں کُٹی ہوئی کالی مرچ، لال مرچ اور نمک ڈال کر اچھی طرح سے بھون لیں۔

جب آئل اوپر آجائے تو اسے نکال لیں۔

پیزا ساس تیار ہے۔

کرسٹ بنانے کا طریقہ:

پیزا ٹرے میں مکھن لگائیں اور پیزا کی روٹی کو اُس پر بچھا دیں۔

روٹی کو پیزا ٹرے سے بڑا بیلیں۔

موزریلا چیز کو لمبے سلائسز میں کاٹ لیں اور پیزا کے کناروں پر رکھیں اور بڑھے ہوئے حصے کو کاٹ لیں۔

کناروں کو موڑ لیں تاکہ چیز کور ہو جائے۔ کرسٹ تیار ہے۔

ٹاپنگ کے لیے:

اب کرسٹ پر مکھن لگائیں۔

کالی مرچ اور اوریگانو چھڑکیں۔

اب پیزے کی روٹی پر ساس ڈالیں اور پھر اس پر پیاز کو آئل میں ہلکا سا فرائی کر کے اور موزریلا چیز (کدوکش) کر کے ڈالیں۔

پھر اس پر سن ڈرائیڈ ٹماٹو اور مشروم ڈالیں اور اوپر سے موزریلا چیز ڈالیں۔

پھر اس پر پیپرونی سلائس ڈالیں اور اوپر سے موزریلا چیز ڈالیں۔

آخر میں اس پر کھیرے اور مرچوں کا اچار اور کالے زیتون ڈالیں۔

اب اوپری سطح کو دبا دیں۔

اب پیزا کو پہلے سے گرم اوون میں دو سو سینٹی گریڈ پر پندرہ سے اٹھارہ منٹ کے لیے بیک کر لیں۔