Kabab Biryani کباب بریانی

پہلے قیمے میں سیخ کباب مصالحہ، ڈبل روٹی کے سلائس، لال مرچ اور گرم مصالحہ ملا کر چوپر میں پیس لیں۔

اب اس میں انڈا اور نمک ملاکر اچھی طرح مکس کریں اور چھوٹے چھوٹے سیخ کباب بناکر گرم تیل میں شیلو فرائی کرلیں۔

پھر ایک بڑی دیگچی میں چاول اُبلنے کے لیے رکھ دیں۔

ساتھ میں پودینہ، دو عدد ہری مرچ ہری مرچ، نمک، ثابت گرم مصالحہ اور چھوٹی الائچی ڈال کر دوکنی اُبال لیں۔

ایک چھوٹی دیگچی میں حسب ضرورت تیل گرم کرکے اس میں پیاز گولڈن براؤن کریں اور نکال کر پھیلادیں تاکہ وہ خستہ ہو جائے۔

اب تیل میں ادرک لہسن کا پیسٹ، دہی، بقیہ دو عدد ہری مرچ اور بریانی مصالحہ شامل کرکے ہلکا سا بھونیں اور تلے ہوئے کباب ملا کر ہلکا سا بھونیں اور نکال لیں۔

چاول والی دیگچی میں ذراسی چکنائی لگاکر آدھے چاولوں کی تہہ لگائیں۔

پھر مصالحہ پھیلا کر ڈالیں۔

اس کے بعدتھوڑی سی تلی یپاز، لیموں کا رس اور تھوڑا سا باریک کٹا پودینہ ڈالیں۔

اب باقی چاولوں کی تہہ لگائیں۔

دودھ میں تھوڑا سا زردے کا رنگ ملاکر چاولوں کے اوپر پھیلا کر ڈالیں۔

اس کے بعد کباب پھیلا کر رکھیں اور دَم پر رکھ دیں۔

جب بھاپ اوپر آجائے تو ڈش میں پھیلے ہوئے کباب نکال کر الگ رکھیں اور چاول نکال لیں۔

اس کے بعد ڈش میں کباب رکھ دیں۔

پھر تلی پیاز اور پودینہ ڈال کر گرم گرم سرو کریں۔