Crisp Chicken Cashew Bags کرسپ چکن کیشیو بیگز

پہلے چوپر میں چکن بریسٹ، شملہ مرچ، گاجر، لہسن کے جوئے، تِل، ہری پیاز، ہری مرچ اور ہرا دھنیا ڈال کر خوب اچھی طرح پیس لیں۔

ساتھ میں کاجو بھی شامل کرلیں۔

جب پیسٹ اچھی طرح تیار ہو جائے تو اس میں آدھا انڈا اور نمک شامل کرکے پیالے میں نکال لیں۔

اب مانڈے کو چھ بائی چھ کے اسکوائر شیپ میں کاٹ لیں۔

پھر باقی کے آدھے انڈے میں میدہ اور تھوڑا سا پانی شامل کرکے پیسٹ تیار کرلیں۔

اب چکن کا مکسچر مانڈے کے درمیان میں رکھتے جائیں اور میدے والا پیسٹ کناروں پر لگا کر اسے پوٹلی کی طرح بند کر دیں۔

اب اوون ٹرے کو تھوڑے سے مکھن سے چکنا کریں اور پوٹلیاں اس پر رکھتے جائیں۔

پگھلے ہوئے مکھن کی برش کی مدد سے اوپر پالش کریں اور ایک سو نوے ڈگری سینٹی گریڈ پر دس سے بارہ منٹ کے لیے بیک کرلیں۔

سنہرا ہونے پر نکال کر سرو کریں۔