Rampuri Yakhni Pulao رامپُوری یخنی پلاؤ

ایک پین میں گوشت دھو کر ڈال دیں اور ساتھ ہی بڑی الائچی، سونف، تیز پتہ، سفید زیرہ، ثابت دھنیا ایک پوٹلی میں باندھ کر ڈال دیں۔

اس میں لہسن، ادرک اور پانچ گلاس پانی ڈال کر ہلکی آنچ پر رکھ دیں۔

جب گوشت گل جائے تو چولہا بند کر دیں۔

یخنی تیار ہے۔

گوشت الگ نکال لیں اور یخنی کو چھان لیں۔

چاول دھو کر بھگو دیں۔

ایک پین میں آئل گرم کرکے اس میں پیاز گولڈن براؤن کریں۔

آدھی پیاز نکال کر ٹشو پیپر پر پھیلا دیں تاکہ آئل خشک ہو جائے۔

بقایا آدھی پیاز میں ایک کھانے کا چمچ ادرک لہسن پیسٹ، ہری مرچ، کالی مرچ، چھوٹی الائچی اور دہی ڈال کر بھونیں۔

اب اس میں گوشت ڈال کر مزید بھونیں اور یخنی ڈال دیں۔

یخنی اُبلنے لگے تو چاول ڈال دیں ساتھ ہی نمک اور سرکہ شامل کرکے احتیاط سے مکس کریں تاکہ چاول نہ ٹوٹیں۔

چاول کا پانی خشک ہو جائے تو بقیہ پیاز ڈال کر دم پر رکھ دیں۔

رامپوری یخنی پلاؤ تیار ہے۔ رائتے اور سلاد کے ساتھ سرو کریں۔