چاکلیٹ موز کیک Chocolate Mousse Cake

ایک پیالے میں انڈے اور کاسٹر شوگر ڈال کر اچھی طرح بیٹ کریں۔

اس میں ونیلا ایسنس شامل کریں اور مزید پھینٹیں۔

الگ سے میدہ، کوکو پاؤڈر اور بیکنگ پاؤدر کو چھان لیں۔

اس کو انڈوں کی آمیزے میں ڈال کر آہستہ آہستہ فولڈ کریں۔

اب اس آمیزے کو گریس کیے ہوئے آٹھ انچ کے گول کیک پین میں ڈال دیں اور پہلے سے ایک سو اسی ڈگری تک گرم اوون میں پچیس منٹ بیک کریں۔

اب اسے اوون سے نکال کر ٹھنڈا کریں اور دو سلائس میں کاٹ لیں۔

ایک پیالے میں تین انڈے اور پسی چینی ڈال کر اچھی طرح پھینٹ لیں۔

اس میں چاکلیٹ کو پگھلا کر شامل کریں اور اچھی طرح مکس کر لیں۔

جیلیٹن پاؤڈر کو کرم میں گھول لیں پھر پھینٹی ہوئی فریش کریم میں ڈال کر فولڈ کریں۔

اس آمیزے کو انڈوں کے آمیزے میں آہستہ آہستہ شامل کریں اور مکس کرتے رہیں۔

اب اس آمیزے کو اسپنج کے ایک سلائس پر ڈال دیں۔

پھر اسپنج کا دوسرا حصہ رکھ کر جم جانے تک فریز کر دیں۔

فریج سے نکال کر فریش کریم سے سجائیں، تھوڑا سا کوکو پاؤڈر بھی چھڑک دیں۔

آخر میں اسے چاکلیٹ سے سجا کر پیش کریں۔