Fish Seekh Kabab فش سیخ کباب

رہو یا سرمئی مچھلی کے فلے کو دھوئے بغیر پانچ سے دس منٹ کے لیے سفید سرکہ لگا کر رکھیں اور پھر دھولیں۔

اب لیموں کا رس لگائیں اور توے پر ذرا سے تیل ڈال کر مچھلی کے فلے رکھ دیں۔

جب ان کا پانی خشک ہو جائے تو اُتار کر ٹھنڈا کریں اور اچھی طرح میش کرلیں۔

پھر اس بھرتے میں کُٹی لال مرچ، کُٹی کالی مرچ، بھنا اور پسا سفید زیرہ، سیخ کباب مصالحہ، نمک، باریک کٹا ہرا دھنیا، باریک کٹا پودینہ، باریک کٹی ہری مرچ، چاول کا آٹا اور لیموں کا رس ملاکر اچھی طرح گوندھیں اور تھوڑی دیر کے لیے رکھ دیں۔

اس کے بعد انھیں سیخوں پر لگائیں یا سیخ کباب کی طرح بناکر فرائنگ پین یا گرل پر ہلکی سی چکنائی لگاکر سینگ لیں۔

جب وہ دونوں طرف سے گولڈن براؤن ہوجائیں تو مزے دار سیخ کباب تیار ہیں۔