Fish with Vegetables Filipino Style فش ود اسپائسی ویجی ٹیبلز فلپینو اسٹائل

پہلے فش فلے کو اچھی طرح سے دھو کر ہلکا سا نمک اور بہت ہلکی سی کالی مرچ چھڑکیں اور تھوڑا سا پھینٹا ہوا انڈا لگاکر خشک میدے سے کوٹ کرلیں۔

اب ایک پین میں تھوڑا سا تیل گرم کرکے فش فلے کو شیلو فرائی کر لیں اور گولڈن ہونے پر نکال کر ایک طرف رکھ دیں۔

اب گاجر، ہری پیاز، پیاز، ہری شملہ مرچ اور لال شملہ مرچ کو جولین شیپ میں کاٹ لیں۔

ساتھ ہی لہسن کے جوئے اور ادرک کو باریک کاٹ لیں۔

اب کڑاہی میں تیل گرم کرکے لہسن، ادرک اور پیاز شامل کرکے دو سے تین منٹ تک اتنا پکائیں کہ پیاز نرم ہو جائے۔

پھر اس میں باقی تمام سبزیاں، سرکہ، فش سوس، نمک، کالی مرچ، براؤن شوگر اور ایک کپ پانی شامل کردیں۔

جب یہ تمام چیزیں پکنا شروع ہو جائیں تو کارن فلور کو تھوڑے سے پانی میں حل کرکے اس میں ڈال دیں۔

پھر اسے اتنا پکائیں کہ سوس گاڑھا ہو جائے۔

آخر میں فرائی کی ہوئی فش کو پلیٹر پر رکھیں اور تیار کیا ہوا سوس اور سبزیاں اوپر سے ڈال کر سرو کریں۔