Four Seasons Pizza فورسیزن پیزا

پیزا ڈو کے لیے: پانی کو نیم گرم کرلیں اور اس میں خمیر اور چینی شامل کرکے اچھی طرح مکس کریں اور پندرہ منٹ کے لیے چھوڑ دیں۔

اب میدے میں نمک، بیکنگ پاؤڈر اور خمیر شامل کرکے اچھی طرح گوندھیں اور تین سے چار گھنٹے چھوڑ دیں۔

پھر ڈو کو نکال کر ہاتھ سے فولڈ کرلیں اور بیکنگ ٹرے جتنا لمبا بیل لیں۔

ڈو تیار ہے۔

چکن کے لیے: مکسنگ پیالے میں باربی کیو مصالحہ، لہسن کا پیسٹ، لیموں کا رس، لال مرچ اور نمک ڈال کر اچھی طرح مکس کرلیں۔

پھر اسے چکن پر اچھی طرح لگا دیں۔

اب ایک پین میں تیل گرم کرکے چکن کو اتنا فرائی کریں کہ اس کا رنگ تبدیل ہو جائے تو اسے اُتار لیں۔

چکن تیار ہے۔

جھینگے کے لیے: مکسنگ پیالے میں جھینگے، لیموں کا رس، باربی کیو مصالحہ، نمک، لہسن کا پیسٹ اور اوویسٹر سوس ڈال کر اچھی طرح سے مکس کریں۔

پھراس میں تیل شامل کریں۔

اس کے بعد پین میں تھوڑا سا تیل ڈال کر جھینگوں کو اتنا پکائیں کہ وہ کچے پکے رہیں۔

اب انھیں اُتار کر ایک طرف رکھ دیں۔

ٹوپنگ اور بیکنگ کے لیے: بیکنگ ٹرے کو مکھن سے گریس کرکے اب اس میں تیار ڈو کو پھیلا دیں اور پہلے سے گرم اوون میں پچاس ڈگری سینٹی گریڈ پر پندرہ منٹ بیک کرلیں، تاکہ ڈو پھول جائے۔

اب بیکنگ ٹرے کو باہر نکال کر ڈو پر پیزا سوس لگائیں اور پیزا کو چار حصوں پر تقسیم کرلیں۔

پھر ایک حصے پر چکن کے باریک سلائس کاٹ کر ڈالیں۔

دوسرے حصے پر جھینگے، تیسرے پر ٹماٹر کے سلائس، تلی پیاز اور چوتھے حصے پر کھیرے کے اچار کے سلائس اور ہری مرچوں کے اچار کے سلائس ڈالیں۔

اس کے بعد چاروں حصوں پر مشروم کے سلائس اور موزریلا چیز ڈالیں۔

اب اوپر سے ہرے زیتون کے سلائس، اوریگانو اور کُٹی کالی مرچ چھڑک کر سیٹ کر دیں۔

خیال رہے کہ ہر ٹوپنگ الگ الگ رہے۔ آخر میں اسے پہلے سے گرم اوون میں دو سو ڈگری سینٹی گریڈ پر پندرہ سے بیس منٹ بیک کریں اور نکال کر گرم گرم سرو کریں۔