Stuffed Bread Sticks اسٹفڈ بریڈ اسٹکس

بریڈ کے لئے: چھوٹے سے پیالے میں خمیر اور چینی گرم پانی کے ساتھ مکس کرلیں۔ اب اسے دس منٹ تک پھولنے کے لئے ایک طرف رکھ دیں۔

اب ایک بڑے پیالے میں میدہ، خمیر، آئل، مکھن اور نمک شامل کرکے گوندھ کر ڈو تیار کرلیں۔

گیلے کپڑے کے ساتھ ڈھانپ کر ڈبل سائز کرنے کے لئے ایک گھنٹے کے لئے ایک طرف رکھ دیں۔

اب اس کے رول بنا کر لمبائی کے رخ چوکور شکل میں کاٹ لیں۔

اب فلنگ کرکے کنارے انڈے سے بند کردیں۔

مزید دس منٹ کے لئے ایک طرف رکھ دیں۔

اب دس سے پندرہ منٹ کے لئے بیک کرکے گولڈن براؤن کرلیں۔

فلنگ کے لئے: چکن کو ہلدی، کالی مرچ، نمک اور آدھے کپ پانی کے ساتھ ابال لیں۔

جب چکن پک کر تیار ہو جائے تو اس کے چھوٹے ٹکڑے کرلیں اور ایک طرف رکھ دیں۔

اب ایک پین میں تیل گرم کریں اور پیاز سوتے کرلیں۔

پھر لہسن پیسٹ شامل کرکے فرائی کریں۔

پھر گاجر شامل کرکے تھوڑی دیر کے لئے فرائی کریں۔

آخر میں پکا ہوا چکن، آلو، چلی پیسٹ، دھنیا اور گرم مصالحہ پاؤڈر شامل کرکے اچھی طرح مکس کردیں۔

اب کمرے کے درجہ حرارت کے مطابق اسے ٹھنڈا کرلیں۔