White Beef Roll وائٹ بیف رول

پراٹھا کے لئے: میدہ، نمک، گھی اور حسب ضرورت پانی کو اچھی طرح سے مکس کرلیں اور نرم ڈو گوندھ لیں۔

اب اس کے پیڑے بناکر بیل لیں اور پراٹھے فرائی کرکے ایک طرف رکھ دیں۔

فلنگ کے لئے: پین میں تیل گرم کرکے لہسن کا پیسٹ اور پیاز کا پیسٹ فرائی کرلیں۔

اب اس میں بیف کے ٹکڑے کرکے شامل کریں اور فرائی کرلیں۔

جب رنگ تبدیل ہونے لگے تو اس میں دہی، پسی سفید مرچ، کُٹی کالی مرچ، ہری مرچ اور نمک شامل کرکے بھون لیں۔

حسب ضرورت پانی شامل کرکے اتنا پکائیں کہ پانی خشک ہو جائے اور گوشت گل جائے۔

اب اس میں کریم شامل کرکے مکس کرلیں اور اُتار لیں۔

کوئلے کا دھواں دے دیں۔

اب پراٹھون کے درمیان میں ہاٹ چلی سوس، پیاز اور بیف کا آمیزہ ڈالیں۔

پھر سلاد پتے ڈال کر رول بند کرکے سرو کریں۔