Badami Drum Sticks بادامی ڈرم اسٹکس

ایک دیگچی میں ونگز کی ڈرم اسٹکس، ادرک لہسن کا پیسٹ اور نمک ملا کر ان کا اپنا پانی خشک کرلیں۔

جب پانی خشک ہوجائے تو انھیں نکال لیں۔

اب ایک پھیلے ہوئے ڈش میں میدہ، کارن فلور، بیکنگ پاؤڈر، کُٹی کالی مرچ اور مسٹرڈ پاؤڈر اچھی طرح ملالیں۔

اس کے بعد انڈے کی سفیدی پھینٹ کر رکھیں اور بادام کچل کر رکھ لیں۔

اب اُبلی ہوئی ڈرم اسٹکس میں سویا سوس اور سفید سرکہ ملادیں۔

پھر اس پر تیار خشک مصالحہ لگادیں۔

اس کے بعد بریڈ کرمبز میں بادام ملا دیں۔

اب ڈرم اسٹکس کو انڈے کی سفیدی ڈپ کرکے بریڈ کرمبز اور بادام لگائیں اور دوبارہ سفیدی میں ڈپ کرکے پھر سے کرمبز اور بادام لگا دیں۔

پھر کڑاہی میں تیل گرم کرکے ڈرم اسٹکس کو ڈیپ فرائی کرکے گولڈن براؤن کرکے نکال لیں۔

مزے دار بادامی اسٹکس تیار ہیں۔