Hot and Sour Soup ہاٹ اینڈ سار سوپ

ایک بڑے برتن میں چکن یخنی اور پانی ڈال کر ابال لیں۔

ٹماٹر کا پیسٹ، پسی کالی مرچ اور نمک شامل کریں پھر پانچ منٹ تک اُبالیں۔

اب لال مرچ پاؤڈر، سویا ساس اور چکن شامل کرکے مزید دس منٹ تک پکائیں۔

سوپ پر جھاگ آئے تو اسے صاف کر دیں۔

اب ایک کپ پانی میں کارن فلور حل کریں اور اس سے یخنی کو گاڑھا کرلیں، خیال رہے کہ گٹھلیاں نہ بنیں۔

پھر لیموں کا عرق شامل کریں۔

سوپ میں ترشی لانے کےلئے عام طور پر مصنوعی سرکہ استعمال کیا جاتا ہے لیکن آپ لیموں کا عرق بھی استعمال کرسکتے ہیں، کیونکہ اس میں زیادہ غذائیت ہے اور ذائقہ بھی بہتر ہے۔

ہلکی آنچ کرکے سبزیاں شامل کریں۔

انڈے کی سفیدی پھینٹ لیں اور آہستہ سے برتن میں ڈالیں۔

دو منٹ تک چمچ نہ چلائیں اکثر لوگ جلدی سوپ میں چمچ چلانے کی غلطی کرتے ہیں۔

جس سے انڈے کی سفیدی چھوٹے حصوں میں ٹوٹ کر پھیل جاتی ہے اور سوپ زیادہ مزیدار نہیں بنتا۔

سوپ ایک پیالے میں ڈالیں اور لال مرچ، سویا ساس اور سرکے میں ہری مرچ کے ساتھ پیش کریں۔