نہا ری Nehari

دیگچی میں تیل لیں اس میں پیاز ہلکا براؤن کرکے ادرک لہسن پیسٹ، لال مرچ پاؤڈر، ہلدی، نمک ، دھنیا پاؤڈر اور آدھا چائے کا چمچ پسا گرم مصالہ ڈال کے بھون لیں۔
اب دہی ڈال کے مکس کریں، پھر گوشت اور نلیاں شامل کرکے بھون لیں۔ اچھی طرح بھون کے پانی ڈالیں۔
اب سونف، بڑی الائچی اور سونٹھ کو ایک ململ کے کپڑے کی پوٹلی میں باندھ کے دیگچی میں ڈال دیں اور ڈھکن بند کرکے ہلکی آنچ پر پکنے دیں
گوشت گل جائے تو پوٹلی نکال دیں۔ اور لال آٹا تھوڑے سے پانی میں مکس کریں اور اسے گریوی میں شامل کر کے مزید پانچ منٹ پکائیں ۔
آٹا ڈالنے سے پہلے گریوی کے اوپر سے روغن پیالے میں نکال لیں۔
آدھا چائے کا چمچ پسا گرم مصالہ اور ادرک ڈال کے ہلکی آنچ پر دم پر رکھ دیں۔ اس کے بعد ہری مرچ کاٹ کے ڈال دیں۔ مزیدار نہاری تیار ہے۔