Spice Stuffed Chicken Breast مصالحہ بھرے چکن بریسٹ

پہلے چکن بریسٹ کو کتاب کی طرح کھول کر ہلکا سا ہیمر سے پریس کرلیں۔

اس کے بعد چکن کو نمک اور پپیتے کے پیسٹ سے میری نیٹ کرلیں۔

اب ایک پیالے میں ادرک لہسن کا پیسٹ، ہری مرچ، لیموں کا رس، ہرا دھنیا اور دہی ڈال کر اچھی طرح مکس کرلیں۔

اب اس میں دھنیا، زیرہ، نمک، گرم مصالحہ، کالی مرچ، ریڈ کلر، ٹماٹر کا پیسٹ اور لال مرچ شامل کرکے اچھی طرح مکس کرلیں۔

اب چکن کو اس میری نیشن میں اچھی طرح میری نیٹ کریں اور کچھ مصالحہ چکن بریسٹ میں اندر کی طرف رکھ کر دوبارہ بند کر دیں۔

اب اوون ٹرے کو گھی سے چکنا کرکے مصالحہ بھرے چکن بریسٹ رکھیں اور اوپر سے پگھلا ہوا گھی شامل کرکے دو سو ڈگری سینٹی گریڈ پر پندرہ سے بیس منٹ تک بیک کرلیں۔

جب چکن اچھی طرح سے سک جائے تو اوون سے نکال کر برش سے مکھن لگائیں اور سرو کریں۔