اسپائسی چکن ریپس Spicy Chicken Wraps

پین کو تیز آنچ پر گرم کرکے اس میں تیل گرم کرے پیاز ڈال دیں، پیاز براؤن جائے تو آنچ کم کرکے لال مرچ، پیپریکا، ہلدی،ادرک لہسن پیسٹ اور چکن قیمہ ڈال کے مکس کریں۔

اب اس میں اوریگانو، نمک ، کالی مرچ اور پسا دھنیا شامل کریں اور ڈھانپ کے پکائیں۔ آنچ تھوڑی تیز کردیں۔ چکن پک جانے پر ٹماٹر ڈال دیں۔

(ریپس بنانے کے لئے)ایک باؤل میں میدہ لیں اور اس میں آہستہ آہستہ200 ملی لیٹردودھ شامل کرتے ہوئے اچھی طرح مکس کریں کہ گھٹلی نہ بنے، نمک اور دو چائے کے چمچ مکھن بھی ڈال دیں۔

درمیانہ سائز کے فرائنگ پین کو تھوڑا سا تیل لگا کے چکنا کرلیں اور پین کے درمیان میں کوکنگ سپون سے اوپر والا آمیزہ ڈال کے پھیلائیں اور دونوں طرف سے سینک لیں۔

(چیز ساس بنانے کے لئے)ایک دوسرے پین میں 200 ملی لیٹر دودھ گرم کریں جب دودھ پکنے لگے تو چیز سلائس شامل کرکے پکائیں کہ چیز پگھل جائے۔ پھر دو چائے کے چمچ مکھن اور دو چائے کے چمچ کارن فلور ڈال کے مکس کریں۔ اب اس میں نمک ، کالی مرچ ، اوریگانوحسب ذائقہ شامل کریں۔ ساس تیار ہے۔

اب ریپ کے درمیان میں چکن رکھیں اور اس کے اوپر ساس ڈال کے اسے رول کر دیں۔ ہرا دھنیا سے سجا کے پیش کریں۔