Baby Chicken Pulao بے بی چکن پلاؤ

پہلے بے بی چکن کو کٹ لگا کر ایک طرف رکھ دیں۔

اب ایک پیالے میں دہی، خشخاش، نمک، کالی مرچ، الائچی، کٹی لال مرچ، پسی لال مرچ، ہلدی اور دھنیا شامل کرکے اچھی طرح سے مکس کرلیں۔

ساتھ میں ایک کھانے کا چمچ ادرک لہسن کا پیسٹ بھی شامل کرلیں۔

اب چکن کو اس میں اچھی طرح میری نیٹ کرلیں۔

جب اچھی طرح سے میری نیٹ ہو جائے تو کڑاہی میں تین کھانے کے چمچ گھی گرم کرکے چکن اور ایک کپ پانی شامل کرکے ڈھک کر پکنے کے لیے چھوڑ دیں۔

پانچ سے چھ منٹ بعد چکن کو پلٹ کر دوبارہ ڈھک دیں۔

دس سے بارہ منٹ بعد ڈھکن ہٹا کر آنچ تیز کرکے چکن کا سارا پانی خشک کرلیں۔

جب پانی خشک ہو جائے تو چولہا بند کرکے ڈھک کر الگ رکھ دیں۔

اب الگ پین میں ایک چوتھائی کپ گھی گرم کرکے پیاز کو سلائس کرکے فرائی کریں اور اتنا پکائیں کہ گولڈن ہو جائے۔

پھر باقی ایک کھانے کا چمچ ادرک لہسن کا پیسٹ، ثابت زیرہ، ہری الائچی، لونگ اور دار چینی شامل کرکے ایک سے دو منٹ پکائیں۔

پھر سوا سے ڈیڑھ گلاس پانی شامل کرکے چاول، ہری مرچ اور نمک شامل کردیں۔

جب چاول پک کر اوپر آنے لگیں تو زعفران اور تھوڑا سا کٹا ہرا دھنیا شامل کر دیں۔

دم دینے سے پہلے چاولوں کے درمیان تھوڑی سے جگہ بناکر پکی ہوئی چکن درمیان میں رکھیں اور آٹھ سے دس منٹ کا دم دے دیں۔

مزے دار بے بی چکن پلاؤ تیار ہے۔