Egg Potato Qatli انڈا آلو قتلی

پہلے آلوؤں کو گول گول قتلوں کی طرح کاٹ کر ایک طرف رکھ دیں۔

اب کڑاہی میں تیل گرم کرکے انڈے فرائی کرکے ایک طرف رکھ دیں۔

اب اسی تیل میں ادرک لہسن کا پیسٹ شامل کرکے تھوڑا سا پکائیں۔

پھر اس میں املی کا پیسٹ اور دہی شامل کردیں۔

چند سیکنڈ مزید پکانے کے بعد رائی دانہ، کُٹی لال مرچ، نمک، کلونجی، ہلدی، پسی لال مرچ اور ٹماٹر شامل کرکے ایک سے ڈیڑھ منٹ تک پکانے کے بعد کٹے ہوئے آلو شامل کریں۔

پھر ایک سے دو منٹ مزید پکائیں اور ایک کپ پانی شامل کرکے ڈھک کر دَم پر پکنے دیں۔

آٹھ سے دس منٹ بعد جب آلو گل جائیں تو اس میں ہری مرچ اور ہرا دھنیا شامل کریں۔

پھر آنچ تیز کرکے بھونیں اور فرائی انڈوں کو ایک کے چار کاٹ لیں۔

ڈش میں قتلیاں نکالیں اور انڈوں کو اوپر رکھ کر سرو کریں۔