بیف نہاری Beef Nihari

پیاز کو گھی میں فرائی کریں۔

پھر اس میں گوشت شامل کر کے اچھی طرح بھون لیں۔

اب ادرک لہسن کا پیسٹ، نمک، مرچ، ہلدی، سونف کا پاؤڈر، پسا سفید زیرہ، پسی ہوئی سونٹھ اور بادیان کے پھول ڈال کر مصالحہ بھون لیں۔

پھر اس میں اُبلی ہوئی نلیوں کی یخنی ڈال دیں اور جب دو اُبال آجائیں تو گھی نکال لیں۔

اس کے بعد آٹا گھول کر ڈال دیں اور گلنے تک پکائیں۔

آخر میں باریک کٹی ہری مرچ، پسا گرم مصالحہ اور باریک کٹی ادرک ڈال کر پندرہ منٹ تک دم پر رکھ دیں۔

پھر اُتارا ہوا گھی شامل کر لیں۔

مغز کو اُبال لیں۔ پھر صاف کر کے اس میں پکی ہوئی نہاری ڈال کر اتنی دیر تک پکائیں کہ مغز اچھی طرح پک جائے۔

اب اس کو نہاری میں ڈال دیں۔

ساتھ ہی نلی کا گودا، ہرا دھنیا، ہری مرچ اور ادرک ڈال کر گرم گرم نان کے ساتھ سرو کریں۔