سردیاں گزرے زیادہ دن نہیں ہوئے اس لیے اس جاتی ہوئی سویا میتھی کو استعمال کر ڈالیے، مگر ذرا ٹھہریے! اس کے خواص دیکھتے ہیں۔ یہ گرم تر ہے اپنے پتوں اور دانوں میں قدرتی معدیات اور قوت رکھتی ہے، جسم سے فاسد مادہ خارج کرتی ہے، بالوں کو سیاہی اور چمک کے ساتھ مضبوتی بھی عطا کرتی ہے، ذیابطیس کے مریضوں کو میتھی ضرور استعمال کرنا چاہیے کیوں کہ یہ انٹی بیکٹیریل (antibacterial) ہے اس لیے انفکشن (infection) سے بچاتی ہے۔ میتھی جسم کے درد کو فائدہ دیتی ہے، اس کے استعمال سے جسم کو اور جلد کو کساد حاصل ہوتا ہے اور جلد لٹکنے کا مرض نہیں ہوتا، اس لیے تن ساز، کھلاڑی اور پہلوان میتھی کا ساگ بکثرت استعمال کرتے ہیں دمہ (asthma) اور ذیابطیس کے مریضوں کو میتھی کی کھچڑی اور میتھی کا شوربہ ضرور استعمال کرنا چاہیے۔

دو سادہ اور روایتی کھانے

میتھی کی دال دو پیالی دانہ میتھی کو رات سے بھگوئیں (soaking) یا پکانے سے چھ گھنٹے پہلے بھگو (soak) دیں۔ پھر لہسن، پیاز، ہلدی اور سرخ مرچ کو پیس کر گھی میں بھون (roast) لیں مصالحہ بھن جائے تو بھیگی ہوئی میتھی ڈال دیں اور چار گلاس پانی ڈالیں۔ تیس منٹ ہلکی آنچ (low flame) پر پکائیں پھر بھون (roast) کر دو ٹماٹر ڈالیے اور جب گاڑھی دال کی طرح ہو جائے تو اتار لیں اور پیاز کا بگھار اوپر سے ڈال دیں۔

میتھی کی کھچڑی

دو پیالی دانہ میتھی کو آٹھ گھنٹے کے لیے بھگوئیں (soak) پھر گھی میں میتھی ڈال کر تلیں (fry) اس کا باقی ماندہ پانی اوپر سے ڈالیے۔ دو پیالی پانی اور اوپر سے ڈال دیں۔ پندرہ منٹ ہلکی آنچ (low flame) پر پکایے اس کے بعد بھیگے ہوئے چاول (soaked rice) اور نمک حسبِ ذائقہ ڈال دیں، کچھ ہی دیر میں خوشبو دار کھچڑی تیار ہو جائے گی۔ انڈیا (India) کے ضلع اتر پردیش (Uttar Pradesh) میں سرما کا ناشتہ اسی کھچڑی سے ہوتا تھا۔

احتیاط: میتھی کے پتوں کو ہاتھ سے توڑ کر استعمال کریں چھری نہ لگائیں رنگ اور ذائقہ دونوں اچھے رہیں گے۔

وزن گھٹانے کے لیے

ایک پیالہ دانہ میتھی کو دو گھنٹے تک تین لیٹر پانی میں پکائیں، دو لیٹر رہ جائے تو پتیلی کو فریج (fridge) میں رکھ دیں، اس پانی کو دو دن میں ختم کرنا ہے، دو پہر کو صرف سلاد کھائیے دہی کے ساتھ۔ اس کے نتائج بہت جلد سامنے آجاتے ہیں۔

بالوں کے لیے

ایک پیالہ میتھی دانہ کو ڈیڑھ گلاس پانی میں بھگوئیں (soak)، چھتیس گھنٹے کے بعد ہر دانے کے گرد لیس پیدا ہوجائے گا۔ اب آدھا لیٹر سرسوں کے تیل میں یہ میتھی اور اس کا پانی شامل کرکے پکائیں، جب پانی ختم ہوجائے اور تیل رہ جائے تو بوتل میں بھر کے رکھ لیں۔ رات کو مساج کریں اور صبح شیمپو (shampoo) کر لیں۔ اس تیل کا مساج اپنے بزرگوں کے سرپر کریں اور فلاح پائیں۔

اسی لیس دار میتھی کو دو چمچ برابر لے کر پیس لیں، تین چمچ دو دن پرانا دہی مکس (mix) کرلیں، آدھا چمچ لیموں کا رس ڈالیں اور  چار گھنٹے کے لیے سر پر تھوپ لیجیے۔ بالوں کی سکری اور دوسری بیماریاں جڑ سے ختم ہو جائیں گی۔ یہ ترکیب کرنے کے اگلے ہی دن آپ کو فائدہ ہو جائے گا۔ یہ تمام تراکیب مرد وزن دونوں کے لیے ہیں۔

Important Note: The articles presented are provided by third party authors and do not necessarily reflect the views or opinions of KhanaPakana.com. They should not be construed as medical advice or diagnosis. Consult with your physician prior to following any suggestions provided.