گوشت کو مکھیوں سے بچانا

اگر ململ کے کپڑے کو سرکہ میں بھگو کر نچوڑ کر گوشت کے اوپر ڈھانپ دیں تو مکھیاں نہیں آئیں گی۔

گائے، بکری کے پائے

گائے یا بکری کے پائے دھونے سے پہلے آدھے گھنٹے کے لیے آٹے کی بھوسی لگا کر رکھ دیں پھر اچھی طرح سے مَل کر ٹھنڈے پانی سے دھوئیں آسانی سے صاف ہو جائیں گے۔

کلیجی اور گردے

کلیجی اور گرے دھوتے وقت بغیر چھلا ہوا لہسن اور نمک لگا کر ٹھنڈے پانی سے دھو لیں۔

مرغی کی بو

مرغی کو دھونے سے پہلے دو کھانے کے چمچے دہی لگا کر دس منٹ کے لیے رکھ دیں اور دھوئیں تو مرغی کی بُو ختم ہو جائے گی اور آسانی سے دُھل جائے گی۔

روسٹ مرغی کو کاٹنے کا طریقہ

تیز کانٹے کو مرغی کے گھٹنے کے جوڑ میں پیوست کرکے تیز چُھری سے ران کو الگ کرلیں۔ پھر گوشت کے سلائس کاٹیں اسی طرح دوسری ٹانگ بھی کاٹ لیں۔