آٹا گوندھنا اور محفوظ رکھنا

·         آٹا ہمیشہ نیم گرم پانی سے گوندھیں۔ پھر ہاتھ میں ذرا سی چکنائی لگا کر آٹے کے اوپر لگا دیں۔

·         ایک ململ کا کپڑا گرم پانی میں بھگو کر نچوڑ کر آٹے کے اوپر لپیٹ دیں۔ فریج میں رکھ دیں، دن میں دو تین بار کپڑا گیلا کریں آٹا ہفتہ بھر خمیر نہیں ہو گا۔

روٹی آسانی سے بیلنا

روٹی بیلنے سے دو گھنٹے پہلے بیلن کو فریج میں رکھ دیں استعمال کرتے وقت بیلن صاف کرکے روٹی بیلیں تو آسانی سے روٹی بیل جائے گی۔

روٹی کو نرم رکھنا

روٹی پکا کر روٹی کے برتن میں ایک ادرک کا ٹکڑا رکھ دیں تو روٹی سارا دن نرم اور تازہ رہے گی۔

باسی روٹی کو تازہ کرنا

روٹی کو اُبلتے ہوئے پانی پر چھلنی میں رکھ کر ذرا سا گھی لگا کر ڈھانپ دیں۔ ایک منٹ بعد نکال لیں۔

پراٹھا خستہ اور نرم بنانا

نرم اور خستہ پراٹھوں کے لیے لکڑی کے چمچے سے گھی لگائیں پراٹھا نرم بنے گا۔