ٹماٹر کے چھلکے

·         ٹماٹر کو ایک دن کے لیے فریزر میں رکھ دیں اور دوسرے دن نکال کر پانی سے دھولیں تو اس کا چھلکا آسانی سے اُتر جائے گا۔

·         ٹماٹر کے اوپر اُبلتا ہوا تیز گرم پانی ڈالنے سے چھلکا آسانی سے اُترتا ہے۔

·         ٹماٹر کے چھلکے اُتارنے کے لیے پہلے ان کو دھوئیں پھر ایک ہلکی دھار والی چھری لے کر اس سے تھپکیں۔ یہاں تک کہ ٹماٹر کے چھلکے پر جھریاں نمایاں ہو جائیں اور انہیں آسانی سے اُتارا جا سکے۔

·         اگر آپ کھانا پکانے میں ٹماٹر کا رس اور بیج استعمال نہیں کرنا چاہتے تو ٹماٹر کو لمبائی میں آخر تک چیرا لگائیں اور اس کے بیج نکال دیں۔ اس کے بعد ٹماٹر کو ہتھیلی سے دبا کر کسی پیالے میں اس کا باقی کا رس اور بیج نچوڑ لیں۔

·         ٹماٹر کو ایک کانٹے میں گھونپ کر اُسے چولہے کے اُوپر ہر طرف سے گھمائیں یہاں تک کہ اس کا چھلکا سخت اور چمکدار ہو جائے۔ پھر اسے ٹھنڈے پانی میں ڈال کر نکال لیں اور چھلکا اُتاریں آسانی سے اُتر آئے گا۔