مچھلی کاٹنا یا صاف کرنا

مچھلی کاٹنے سے پہلے اس کے نیچے کاغذ کی تین تہیں بچھا دیں۔ سب سے پہلے اس کے فِن قینچی سے کاٹ لیں۔ مچھلی کو ٹھنڈے پانی سے دھو لیں۔ کیونکہ اس طرح مچھلی کے پرت ﴿چھلکے، خول﴾ آسانی سے صاف ہو جاتے ہیں۔ مچھلی کو دُم کی طرف سے پکڑیں اس کے لیے آپ کپڑا استعمال کر سکتے ہیں اس طرح وہ آپ کے ہاتھ سے پھسلے گی نہیں۔ اب ایک تیز چاقو لے کر دُم کی طرف سے شروع ہو کر سر کی طرف تک اس کے چھلکے اُتارتے جائیں۔ خیال رہے کہ مچھلی کے سَر اور فِن کی طرف سے بھی اچھی طرح اس کے پرت اُتارے جائیں۔ پرت اتارنے کے بعد کاغذ کی پہلی تہہ کو جس پر پرت پڑے ہوں گے اس سمیت پھینک دیں۔ اب مچھلی کو پیٹ کی طرف سے لمبائی میں چیرا لگائیں اور اس کے اندر سے ساری آنتیں صاف کرلیں۔ مچھلی کا سَر کاٹتے وقت گردن کی ہڈی کی طرف سے کاٹیں اور ریڑھ کی ہڈی کی طرف سے توڑ لیں۔ تیز چُھری سے دُم بھی علیحدہ کر لیں۔

مچھلی کی بو

مچھلی کو دھوتے وقت سرکہ اور نمک ضرور لگائیں۔ مچھلی کی بو دُور ہو جائے گی۔

باسی مچھلی کو تازہ کرنا

باسی مچھلی کی بُو دور کرنے کے لیے تھوڑی سی لال مسور کی دال پیس کر مچھلی پر لگا دیں تھوڑی دیر بعد دھو لیں۔ مچھلی تازی ہو جائے گی۔

مچھلی کے چھلکے اُتارنا

مچھلی دھونے سے پہلے اس پر ذرا سا سرکہ مَل دیں تو اس کے چھلکے آسانی سے نکل جائیں گے۔

جھینگے کی جانچ اور صفائی

جھینگوں کی تازگی جانچنے کے لیے ضروری ہے کہ وہ خشک اور سخت ہوں۔

جھینگوں کی کٹائی

جھینگوں کو ایک چھوٹے نوکیلے چاقو سے لمبائی کے رُخ پر کاٹیں۔