Shop Grocery (USA) | Shop Henna | Shop Spices | Beauty Shop | Join | Sign In | Submit Recipe

New & Improved Search Helps You Find Even More Recipes & Videos!


Articles >> Tips & Totkays articles > Herbs Nature's Gift جڑی بوٹیاں قدرت کا تحفہ

Herbs Nature's Gift جڑی بوٹیاں قدرت کا تحفہ

Herbs Nature
From centuries herbs are in use of people to enhance beauty. There are various types of herbs used for different types of beauty enhancements. Herbs because are natural so no side effect to use them as compared to commercial products. Read this article to know how you can use herbs as beauty regime.
Viewed: 15654
Source:  Amber Saleem
5 Ratings
4 out of 5 stars
 Rate It

  • صحت مند، شفاف، چمکدار اور نرم و ملائم جِلد حسین نظر آنے میں اہم کردار ادا کرتی ہے آپ صرف پارلر یا سیلون پر ہی اپنی جلد کو خوبصورت نہیں بنا سکتے بلکہ چہر ے کی دلکشی کے لوازمات گھر میں بھی دستیاب ہیں۔ ان میں ایک اہم چیز مختلف قسم کی جڑی بوٹیاں ہیں جن کو ہم زیادہ تر کھانے کا ذائقہ بڑھانے میں استعمال کرتے ہیں اور بہت سے لوگ اس بات سے آگاہ نہیں کہ یہ جڑی بوٹیاں ہماری صحت و خوبصورتی کیلئے بھی بہت ضروری ہیں۔ صدیوں سے یہ جڑی بوٹیاں ادویات اور کاسمیٹکس میں استعمال ہو رہی ہیں۔ اپنے حُسن کو دو آشتہ کرنے کیلئے ان آزمودہ بیوٹی ٹپس پر عمل کرکے جادوئی اثر دیکھیں۔

  •  

  • پودینہ ۔ صدیوں سے پودینہ اپنے ذائقہ، خوشبو اور شفابخش خوبیوں کی وجہ سے استعمال ہو رہا ہے پودینے کا رس چہرے کی صفائی کیلئے بہترین سمجھا جاتا ہے۔ یہ جلد سے مردہ خلیات کو ختم کرکے نرم و نازک احساس دیتا ہے۔ تین کھانے کے چمچ تازہ پودینے کے پتے، دو کھانے کے چمچ سیب کا سرکہ، ایک کپ ابلا پانی اچھی طرح مکس کرکے تین دن پڑا رہنے دیں پھر چھان کے بوتل میں رکھ لیں روئی اس میں بھگو کے دن میں دو مرتبہ چہرے پر لگائیں۔ منہ کی ناخوشگوار بو دور کرنی ہو تو پودینے کے پتے چبائیں یا پانی میں ابال کے غرارے کرئیں۔

  •  

  • مہندی ۔ مہندی قدرت کا انمول عطیہ ہے خوبصورت اور مضبوط بالوں کا اہم راز مہندی میں پوشیدہ ہے یہ ایک بہترین کنڈیشنر کا کام بھی دیتی ہے۔ بالوں کو خوبصورت رنگ دینا ہو جس سے نقصان بھی نہ ہو اس ضمن میں قدرتی اشیاء سے استفادہ کریں۔ پچاس گرام مہندی، پچاس گرام آملہ پاوڈر، پچاس گرام میتھی دانہ ،ایک چمچ کافی کو پانی کے ساتھ مکس کرکے کچھ دیر رکھ دیں ہفتہ میں دو مرتبہ دو گھنٹہ کیلئے بالوں پر لگائیں۔ اگر آپ کے بال سفید ہو رہے ہیں تو اس کیلئے 250 گرام مسٹرڈ آئل میں 100 گرام مہندی کے پتے اُبالیں پھر چھان کے بالوں کی جڑوں میں لگائیں۔ یہ بالوں کو سفید ہونے سے روکنے کے ساتھ ان کو مضبوط کرتے ہیں۔

  •  

  • دارچینی ۔ چہرے سے بلیک ہیڈ اور وائیٹ ہیڈ ختم کر نے کیلئے تین چمچ شہد، ایک چمچ دار چینی پاؤڈر کا پیسٹ بنا کے ہر روز رات کے کو یہ فیس پیک لگائیں اور صبح چہرہ نیم گرم پانی سے دھو لیں دو ہفتے لگا تار لگانے سے یہ ختم ہو جائیں گے۔ تخقیق سے ثابت ہوا یے کہ اگر آدھا چا ئے کا چمچ دار چینی کو روزانہ خوراک میں شامل کیا جائے تو یہ کولیسٹرول کو کم کرنے میں مدد دیتی ہے۔

  •  

  • صندل ۔ اکثر خواتین کے چہرے پر کیل، مہاسوں اور دانوں کے نشانات رہ جاتے ہیں جو ذہنی آزار کا باعث بنتے ہیں چہرے کو ان نشانات سے صاف کرنے کیلئے صندل کے پاؤڈر سے استفادہ کریں۔ صندل پاؤڈر کو عرق گلاب میں مکس کرکے چہرے پر رات کو سونے سے پہلے لگائیں اور صبح منہ دھولیں اگر آپ کو محسوس ہو کہ اس کے لگانے سے جلد خُشک ہو رہی یے تو چند گھنٹے لگانے کے بعد دھو لیں۔ چہرے کے کُھلے مسامات کیلئے صندل پاؤڈر اور دال مسور کی پانی یا عرق گلاب کی آمزش سے بنی پیسٹ چہرے پر ساری رات کیلئے لگائیں اور صبح دھو لیں۔ یہ مسامات کو بند کرنے کی آسان ترکیب ہے۔

  •  

  • لیونڈر ۔ ایک اسٹرابیری، دو چمچ دہی، آدھا چمچ مُلتانی مٹی، آدھا چمچ لیونڈر مکس کرکے چہرے اور گردن پرلگائیں اور خشک ہونے پر دھو کے عرق گلاب لگالیں۔ یہ اجزاء جلد کو نرم وملائم بناتے ہیں۔ پیپر منٹ، لیونڈر اور روزمیری کی برابر مقدار کو مکس کریں، اس خشک آمیزے کا ایک چمچ ایک کپ ابلتے پانی میں ڈالیں اور پندرہ منٹ ڈھانپنے کے بعد چھان کے ماؤتھ واش کے طور پر استعمال کریں۔

  •  

  • ہلدی ۔ ہلدی جراثیم کُش خصوصیات کی وجہ سے مشہور ہے چہر ے پر پھنسی، دانے وغیرہ ساری شخصیت کو بُری طرح متاثر کرتے ہیں ان سے نجات کیلئے ہلدی اور نیم کے پتوں سے پیسٹ بنا کے پھنسی اور دانوں پر لگانے سے یہ آہستہ آہستہ ختم ہو جاتے ہیں۔ سکن کی چمک کیلئے کوکونٹ آئل میں ہلدی مِلا کر نہانے سے پہلے مساج کریں۔

  •  

  • روز میری ۔ پسینے کی بُو کے ناگوار تاثر سے نجات حاصل کرنے کیلئے ثابت دھنیا، دارچینی، روزمیری، زیرہ اور سونف ململ کے رومال میں باندھ لیں اور اسے غسل والے پانی میں ڈال دیں ان چیزوں کی خوشبو پسینے کی بُو دور کرکے آپ کو مہکتا ہوا احساس دے گی۔

  •  

  • میتھی دانہ ۔ میتھی دانہ کے بارے کہا جاتا ہے کہ میتھی دانہ کو شہد اور لیموں کے رس کے ساتھ کھایا جائے تو یہ بخار کی شدت کو کم کرنے میں مدد دیتا ہے۔

  •  

  • آملہ، ریٹھہ، سکاکائی ۔ بالوں کی افزائش کا صدیوں پرانا نسخہ ہے جو اب تک بہترین سمجھا جاتا ہے۔ ان تینوں کی برابر مقدار کو پیس کے ایک لیٹر پانی میں رات بھر بھگو دیں صبح اس پانی کو اُبالیں جب چوتھائی حصہ رہ جائے اسے چھان کے بال دھولیں۔ آملہ، ریٹھہ، سکاکائی کا تیل بھی بالوں کیلئے بہترین ہے۔ ثابت آملہ، ریٹھہ، سکاکائی برابر مقدار میں ایک سے ڈیڑھ جگ پانی میں دو دن بھگو کے اتنا ابالیں کہ ان کے چھلکے اتر جائیں، چھان کے ایک پاؤ سرسوں کا تیل ڈال کے دوبارہ ابالیں تیل اوپر آ جائے تو تیل کو الگ کرکے بوتل میں محفوظ کر لیں۔ نہانے سے پہلے بالوں کی جھڑوں میں مساج کریں۔

  •  

  • سونف ۔ امراض معدہ اور قبض میں سونف بہت مفید ہے۔ ایک گلاس نیم گرم پانی میں آدھا چمچ سونف ڈالیں اور اسے سونے سے قبل کچھ دن لگاتار پیئے۔ دو چائے کے چمچ سونف پاؤڈر کو آدھا کپ پانی میں اُبالیں، اُبال آنے پر اتار لیں اور آدھے لیموں کا رس ڈال کے پندرہ منٹ ڈھانپ کے رکھیں ٹھنڈا کرکے فیس کلنزر کے طور پر استعمال کریں جراثیم کُش ہونے کی وجہ سے سونف جلد کی صفائی کیلئے بہترین ہے۔

  •  

  • السی ۔ السی کے بے شمار فائدے ہیں اس میں موجود فائبر اور اومیگا تھری قیٹی ایسڈز ذیابیطس، دل کے امراض، قبض، وزن کم کرنے، ڈپریشن اور خوبصورت جلد میں مددگار ہے۔ السی کو پیس کے فریج میں رکھ لیں روزانہ ایک سے دو چمچ کھائیں اور بعد میں پانی پی لیں۔

  •  

  • تھائم ۔ سینے کے امراض حل کرنے میں تھائم کی چائے شہد کے ساتھ سُود مند ہے ایک کپ چائے کا پی کے لیٹ جائیں آپ پندرہ منٹ میں ہی چسٹ کو ہلکا ہوتا محسوس کریں گے۔

  •  

  • نوٹ ۔ کوئی بھی نئی چیز استعمال سے پہلے کلائی پر کچھ دیر لگا کے دیکھیں اگر چُبھن نہ ہو پھر چہرے پر لگائیں۔

  • Important Note: The articles presented are provided by third party authors and do not necessarily reflect the views or opinions of KhanaPakana.com. They should not be construed as medical advice or diagnosis. Consult with your physician prior to following any suggestions provided.

More related articles to Herbs Nature's Gift جڑی بوٹیاں قدرت کا تحفہ:

  • Thanks for reading our artilcle about "Herbs Nature's Gift جڑی بوٹیاں قدرت کا تحفہ" filed under Tips & Totkays articles. one of thousands of originally written Articles published exclusively at khanaPakana.com.

Tried out this recipe? Let us know how you liked it?

Pleasebe judicious and courteous in selecting your words.

Name:
Email:

 
Submit your comments

Comments posted by users for Herbs Nature's Gift جڑی بوٹیاں قدرت کا تحفہ

  1. Asmi, Alsi is seeds called Flax seeds in English. Flax seeds come in two varieties; brown flax seeds and golden or yellow flax seeds. Images are also emailed to your account for your convenience.

    on Oct 26 2011 2:19PM Report Abuse KP SUPPORT TEAM
  2. helloAlsi kiya hai

    on Oct 26 2011 1:11PM Report Abuse ASMI

Featured Brands


Payment Methods
Secure Online Shopping